যে অব কলি তার ধন য়ায় গলি

- নিপন চাকমা

  আগঅ দিনত এক্কান দেজত রাজা এক্কো রাজা এল। তার নাং কলি তে আগাত্যা কলি এল, তার ধন সম্পত্তি খরজ নগত্ত হন টেঙা পয়সা খরজ ন গত্ত। দান ধর্ম কিচ্চু ন গরে তার রাজ ভান্ডারত হােন অভাব নেই। ধন খরজ নঅয় পারা এক্কো গনক্ক্যা রাগেল। সে গনক্যা বোই দিনত রাগে বিন্য অরে সএচ্চ্যা হন্নাঅ ধন করজ হনঅ দজা এলনি, যা গনাত উদে চিয়ানি বেক্কানি কলি রাজারে কয়।রাজা খরজ নঅয় পারা গরে। রাজ ঘরত কুগুর দিব্যা, নারিগুল গাছ এলাক তা ঘরত দাগত। সে নারগিুল গাচ্চুনত থেদাক এক জুর হোবা। এক দিন্যা হোবানি হত্তে এদেজত হোন কিছু খেবার নেই কয় দিন উপোস থেব। জুদো আরেক্কান দেজত যেইঅই। হোবপ্যা কয়দে এক্কা সুবেসাবে থাক। এ রাজার এক্কো বড় রাধা কুড় মুরিব। সে কুরবো ফেলে দিলে আমি দিজনে পজে পজে খেই পারিবং। এক দিন্যা গনক্যা রাজারে কল, ত রাধা কুরবো মুরিব। রাজা কয়দে শালে কুরবোরে বাজাদ বেজোগোই। কুরবো বিজিলাক। তিন দিন ফুরে গেল, হোবানি আর কল, হোব্প্যা কই খেইদ নপেলং। তরে হঙেজুদো দেজত যেই। হোবপ্যা অর কয় এক্কা ধৈর্য্য ধরি থাক। কলি রাজার ধজাগান  কুরবোলোই হাদা নযায়। ইক্যা তা ধজাগান আর ধাঙর অইয়ে। এবার মরিবদে তা পাদা চাগল্লো। সিবেদ খেই ন পরেবং। আর গণক্যা রাজারে কল সে কধাগান। রাজা আর পাদা ছাগল্লোরে বেজা বাজে দিল। ছাগল্লোরেও বেজিনাকোই। এনে এনে মাস পুরে যার আর হোবানি কঅর হোপ্যারে কয়দিন থেই উপোজ থেই পারে। জদো দেজত যেই কলেঅ ন যাচ। হোপ্যা আর কঅর এক্কা মন ভাঙ্গালা হাক্কে গরজ। এবার মরিবদে তা সেলা মচ্চো। সিবে মরিলে আমি দিজনে খেই খেই নপুরেবং, ইষ্ট কুদুম দাগি দাগি কেলেঅ খেই নপরেবং। গণক্যা আর সে কধাগান  করঅ। আর সে সেলা মচ্চো রাজারত বিজিলাক্কোই। হোপ্যা আর কঅল এ আজাগান নঅল। এবার রাজার রাণী মরিবদে দজাগানত্তন সারবোর নেই। সেনত্তেই রাণী মরলে তে রাজা ধর্ম কর্ম গরি দি পেব, ইষ্ট কুদুম দাগি দাগি। রাণী মরিবদে গণক্যা রাজারে কঅল। এনে এনে দি তিন দিন পরে রাণী মরি গেল। এবার হোপ্যা হোবানিরে কলঅ, সা মকধা বিশ্বাস নগরজ। এবার বজর তিয়ে খেই পারিবে। পেলে দিবাক খেই ন পুরেনেই সিয়ানি আমি দিজনে খেই খেই জীবনান খাদে যেই পারিবং। রাজা বিপদত পরিন্যায় মনে নখইয়ে গরি ধর্ম কর্ম গরি পার। সারগ তেঙ্গা পয়জা সোনা রূপ মুক্ত জমা এনাক বেক্কানি যে পাই সুবে সাবে চুর গরি নেদন ধর্মত ইচ্যা মানচ্চুনে।   এনে থাক্কে খাক্ েকুলি রাজা গরিব অল। সিত্তে হন্নে “যে অব কলি তার ধন য়ায় গলি”। দাগ কধা ফেলা ন যায়।
লেখক ঃ (খাগড়াছাড়ি ,ভাইবোনছড়া, সিকেন্দর পাড়া)